Alkohol ist keine Lösung, Alkohol ist ein Destillat!

Laung is her seit i s’letzte moi dau hob wos a student hoit so tuat, oba gestan bin i dem studentenruf moan i gerecht woan.

I woa grod fesch beim “Sing and Win” auschaun und nebenbei Rechnungswesen lerna, do kumt mei Zimmakollegin eini und sogt: “Unsare Nochban grün untn a bissi, schaun ma schnö obi auf a bier, daun gemma wieda lerna!” Najo, hob i ma docht, a Bier wird si jo doch ausgeh.

Samma hoit obi, haum unsa erstes Bier trunken, Pflicht aun und für sich erfüllt. Womit ma net grechnet haum woa dass so a megagaudi wird, darum is aus oan bier mehr woan und daun is nu a bissi sekt und frizzante dazuakema. Um ans is mei Zimmako daun ham, i hob zu de letzten 4 gheat und bin um 3 dahi gwen! Ge leck und lustig woa i!

Und heit kriag i gemeinerweise die volle Rechnung präsentiert, sprich Kopfweh und an wahnsinnigen Braund! Vielleicht is des a zeichen dass i des öftas mochen muas damit i wieda mehr vatrog…vielleicht is a a zeichen dass i bessa lerna hätt soin…egal, wean ma nie herausfinden! Auf jeden foi brummt ma da schädel und wir haum kan strom im zimma…na supa!

Warum ist die Banane krumm?

Warum schreib i nix mehr im Blog?

Gaunz einfoch, momentan aus zeitgründen, da lernstress hot wieda voi eigschlogn! darum, liebe jü, wird da blog vamutlich in nächster zeit eher leer bleiben weil si meine geistigen Ergüsse auf Außenfinanzierung und Rechnungsabgrenzung beschränken - zumindest bis de letzten klausuren vorbei san.

Übrigens: Garstige Affen haben sie krumm gemacht!!!

Geistesblitz!

Hmmm, jetz hob i binnen ana viertelstund 4 artikel augfaungt und an jeden wegen überdimensionaler irrelevanz wieda glöscht….i woat auf a eingebung damit i moi wos sinnvolles schreim kau…oder wie homer sogt(während er zum Bier greift): “Erweiter mein Gehirn, Lernsaft!!!” soll i vielleicht a moi probiern…

oiso sarah, juliane et al, geduldet euch bis i moi a tolle eingebung hob *g*

Moneymaker

Jetz is vorbei, des süße Studentenleben! Weil seit neuestem auch ich zur Gruppe der arbeitenden Stundenten gehöre - und des sogor in zwoa Jobs!

Seit gut einem Monat bin i jetz in an Nochhüfeinstitut beschäftigt und wie der Name schon sogt gib i dort nochhüfe, zwor deitsch. Jede Menge Deitsch! Mittlerweile beherrsch i de Beistrichregeln perfekt und i woas genau wo a s, a ss und a ß higheat (zumindest der theoretische Ansatz von de Regeln woa ma bis dahin wurscht). Obwohl ma de Orbat echt spaß mocht und de Kollegen voi nett san, drängt si mir noch jeder Stund de selbe Frog auf: wü i übahaupt Lehrerin werdn??? Und damit kuman ma zu mein zweiten Job…

…in da Miba. Überraschenderweise für mich bin i dort jetz für einen Tag in der Woche augstöht und irgendwie regt die Firmenluft mein Verlangen an, irgendwann in an Unternehmen zu sitzen und des wos i studiert hob praktisch anzuwenden, anstatt dass is nur de Schüler beibring. Oba godseidaunk hob i jo nu a bissi zeit….

Jetzt auch ich!!!

So Sarah, jetz hast du gewonnen! Deine Überredungskünste zeigten Wirkung und jetzt bin ich auch im Besitz eines Bloggs. Obwohl ich auch dem langweiligen Vorleser die Schuld für diesen Schritt gebe, denn nach einer Stunde sah ich mich vor der Wahl - vor Langeweile mit dem Kopf auf den Tisch fallen oder einen Blog eröffnen. Augenscheinlich entschied ich mich für die zweite Variante. Also Sarah, besuch mich fleißig und kommentiere fleißig, damit es sich auch wirklich ausgezahlt hat….

Hello world bzw. hallo sarah!

unglaublich dass i mi dazua überreden lossen hob….